๋กœ๊ทธ์ธ

๋””๋ชจ๋ฐ์ „์„œ 1์žฅ Tausug Kitab Injil

๋ฐ”์šธ์„œ์‹  ยท 1 Timothy ยท Tausug Kitab Injil ยท 20์ ˆ

์ ˆ ๋ณด๊ธฐ

๋””๋ชจ๋ฐ์ „์„œ์˜ ์ฒซ ์žฅ. ๋ฐ”์šธ์ด ์—๋ฒ ์†Œ์— ๋‚จ์€ ๋””๋ชจ๋ฐ์—๊ฒŒ ๋‹ค๋ฅธ ๊ตํ›ˆ์„ ๋ง‰์œผ๋ผ๊ณ  ๋‹น๋ถ€ํ•˜๊ณ , ์œจ๋ฒ•์˜ ๋ฐ”๋ฅธ ์šฉ๋„์™€ ์ž์‹ ์ด ๋ฐ›์€ ๊ธํœผ์„ ์ฆ์–ธํ•œ ๋’ค ์„ ํ•œ ์‹ธ์›€์„ ์‹ธ์šฐ๋ผ๊ณ  ๋ช…ํ•œ๋‹ค.

์ ˆ ๋ฐ”๋กœ๊ฐ€๊ธฐ

1๋””๋ชจ๋ฐ์ „์„œ ยท Tausug Kitab Injil
1In sulat ini naug dayn kฤku', hi Paul, hambuuk tau kiyawakilan hi ฤชsa Almasi. Nahinang aku hambuuk kiyawakilan, sabab in yan daakan dayn ha Tuhan, amu in manglalappas kฤtu'niyu, iban hi ฤชsa Almasi amu in panghuwat-huwatan natu'.
2In sulat ini hipasampay ku mawn kaymu, Timuti, karna' biya' na kaw anak ku lahasiya', sabab aku in nakarฤ kaymu nagparachaya ha Almasi. Mura-murahan bang mayan kaw dihilan tulung-tabang iban kaulungan, lฤgi' dihilan kasannyangan in lawm atay mu kaagi sin Tuhan, Ama' natu', iban sin Panghu' natu', hi ฤชsa Almasi.
3Na, bihaun Timuti, biya' na sin bakas kiyapamung ku kaymu ha sa'bu kakadtu ku pa Makidun, ibut-ibutan ta kaw di' paฤซgun dayn ha dฤira Ipisus bat mu malฤng in manga tau nanghihindu' sin dฤn pa kalawngan.
4Lฤnga in manga tau yan, papahundunga na sila magparuli sin manga suysuy way kasabunnalan iban mag'usul way kahinapusan sin manga kapangkat-pangkatan sin manga kamaasan, sabab in manga yan makapaawn sadja paglugatan. Lฤgi' di' yan makatabang sin maksud sin Tuhan. Karna' in ingat pasal sin maksud sin Tuhan naug dayn ha pagparachaya iban pangandul ta ha Tuhan.
5Na, hangkan ku sila hipalฤng kaymu, bat maawn in kasi-lasa, amu in guwa' dayn ha atay puti', dayn ha pikilan malanu' iban dayn ha parachaya iban pangandul matutuud ha Almasi.
6Karna' awn manga tau kaibanan amu in simiha' dayn ha hindu' yan. Dimugaing na sila, sabab amuna in piyaruli nila in manga paglugat pasal sin manga parakala' way kapลซsan.
7Mabaya' tuud sila mahinang guru sin manga sara' piyanaug sin Tuhan dayn kan Musa, sumagawa' di' nila kahฤtihan bang unu in piyagbibichara nila. Di' nila minsan kahฤtihan in manga parakala' kiyukusugan nila biyayta' ha manga tau.
8Na, asal kaingatan natu' in manga sara' piyanaug sin Tuhan, marayaw bang maamu in pagpapanaw biya' sin kiyamaksud sin Tuhan.
9Kaingatan natu' da isab sin in manga sara' yan wala' piyaawn ha pasalan sin manga tau marayaw. Sagawa' in piyagpaawnan sin sara' pasal sin manga tau manglalanggal iban di' magkakahagad ha sara', manga tau wayruun buga' ha Tuhan iban manga baldusa. Piyaawn da isab in sara' ha manga tau way pagtaat pa Tuhan iban manggura'-gura' sadja ha agama, ha manga tau mฤmunu' ha ina'-ama' nila, ha manga tau mฤmunu' ha pagkahi nila mฤnusiya', ํ•ด์„ค
10ha manga tau naghihinang kalumuan, ha manga tau nagkakajarihanan iban sin pagkahi nila usug atawa iban sin pagkahi nila babai, ha manga tau mangingidnap, ha manga tau putingan iban magsasaksi' sin bukun bunnal, iban ha manga tau amu in himihinang sin unu-unu na, amu in wala' nag'amu iban sin hindu' marayaw.
11In hindu' yan nakawa' dayn ha Bayta' Marayaw pasal sin Almasi, amu in piyangandul kฤku' sin Tuhan hipamahalayak pa manga mฤnusiya'. In Bayta' Marayaw ini naug dayn ha Tuhan sangat in kalagguan niya iban puunan sin katฤn karayawan.
12Magsukul aku ha Panghu' ta ฤชsa Almasi, amu in nagdihil kฤku' kusug ha supaya ku mahinang in daakan niya kฤku'. Magsukul aku sin ฤซtung niya aku hambuuk tau kapangandulan iban kiyawakilan niya magpasampay sin daakan niya.
13Malayngkan sin nakauna yadtu, mangฤซ' in manga bichara ku pasal hi ฤชsa. Bฤซnsana' iban hฤซna' ku in manga tau agad kaniya. Sumagawa' limuuy in Tuhan kฤku', minsan bihฤdtu in ngฤซ' sin hinang ku. Hangkan siya limuuy kฤku', sabab ha waktu yadtu awam pa aku sin ngฤซ' sin hinang ku, sabab way pa aku nagparachaya kan ฤชsa.
14Lฤgi' labi-labihan tuud in tulung-tabang dฤซhil kฤku' sin Panghu' natu', ฤชsa Almasi. Piyapagparachaya niya aku kaniya iban piyahลซp niya in kasi-lasa pa lawm atay ku. In yan asal hikarihil kฤtu' bang kitaniyu naghahambuuk iban hi ฤชsa Almasi.
15Bunnal tuud, iban subay taymaun iban kahagarun sin mฤnusiya' katฤn, sin in hi ฤชsa Almasi miyari pa dunya manglappas ha manga baldusa. Ampa in aku amuna in tau landu' tuud baldusa dayn ha katฤn,
16sumagawa' kiyaluuyan aku sin Tuhan. Hangkan niya aku kiyaluuyan bat supaya mapakita' hi ฤชsa Almasi sin landu' tuud siya masabal ha manga tau baldusa tuud biya' kฤku'. Minsan biya' diin in ngฤซ', dihilan niya da kaampunan. In aku hฤซnang niya hambuuk suntuan pamintangan sin manga tau katฤn, amu in ha susลซngun magparachaya kaniya bat karihilan sin kabuhi' salama-lama.
17Pudjihun natu' in Tuhan amu in makapagbaya' kasaumulan. Di' siya magkamatay iban di' kakitaan sin mฤnusiya'. In siya hambuuk-buuk da Tuhan. Pudjihun iban lagguun natu' siya kasaumulan! Amin!
18Na, in daakan ini hipangandul ku kaymu, Timuti, anak ku, nagtaayun da iban sin bakas kiyabayta' sin manga tau magpapasampay sin Parman sin Tuhan. Agara in daakan kaymu ha supaya bang upamakun magbunu', makapamunu' kaw marayaw ha manga kimukuntara sin daakan sin Tuhan.
19Patutuga in pamawgbug mu ha Almasi iban sin pikilan mu malanu'. Karna' awn manga tau kaibanan duun ha yan in di' magad ha pikilan malanu', iban kimangi' na in parachaya nila ha Almasi.
20In manga tau biya' na kan Himinus iban hi Iskandal, in sila ini biyutawanan nila na in pagparachaya nila ha Almasi. Hangkan iyungsud ku na sila pa lawm lima sin Saytan Puntukan, ha supaya sila makapamintang di' na magbichara mangฤซ' ha pasal sin Tuhan.

Tausug Kitab Injil
์ ˆ์„ ๋ˆ„๋ฅด๋ฉด ๋ณต์‚ฌยท๊ณต์œ ยทํ˜•๊ด‘ํŽœยท๋ฉ”๋ชจ๋ฅผ ์“ธ ์ˆ˜ ์žˆ์Šต๋‹ˆ๋‹ค. ์ ์„  ๋‚ฑ๋ง์€ ๊ตํšŒ๋ฐฑ๊ณผ ๋ฌธ์„œ๋กœ ์ด์–ด์ง‘๋‹ˆ๋‹ค.

์ด ์žฅ์— 20์ ˆ
1 / 6์žฅ

๋ณธ๋ฌธ์€ Tausug Kitab Injil(ํƒ€์šฐ์ˆ˜๊ทธ์–ด) โ€” getbible.net(CrossWire SWORD ๋ชจ๋“ˆ)์—์„œ ๊ฐ€์ ธ์˜ด ยท ๋ผ์ด์„ ์Šค: CC BY-ND 3.0 (๋ฌด๋ณ€๊ฒฝ) (Creative Commons: by-nd 3.0) ํ˜•๊ด‘ํŽœยท๋ฉ”๋ชจยท์ฝ์€ ํ‘œ์‹œ๋Š” ํŒ๊ณผ ์ƒ๊ด€์—†์ด ๊ฐ™์€ ์žฅ์— ํ•จ๊ป˜ ๋‚จ์Šต๋‹ˆ๋‹ค. ์ ์„ ์ด ๊ทธ์–ด์ง„ ๋‚ฑ๋ง์€ ๊ตํšŒ๋ฐฑ๊ณผ์— ๋ฌธ์„œ๊ฐ€ ์žˆ๋Š” ์ธ๋ฌผยท์ง€๋ช…ยท์šฉ์–ด์ž…๋‹ˆ๋‹ค(ํ•œ ํ™”๋ฉด์— ํ•œ ๋ฒˆ์”ฉ๋งŒ ํ‘œ์‹œ). ํ˜•๊ด‘ํŽœยท๋ฉ”๋ชจยท์ฝ์€ ํ‘œ์‹œ๋Š” ์ด ๋ธŒ๋ผ์šฐ์ €์—๋งŒ ์ €์žฅ๋˜๋ฉฐ ๋‚ด ํ‘œ์‹œ์—์„œ ๋ชจ์•„ ๋ณผ ์ˆ˜ ์žˆ์Šต๋‹ˆ๋‹ค.

์ด ์žฅ์˜ ๊ตฌ์ ˆ ํ•ด์„ค ๋ฌธ์„œ 1

์ด ์žฅ์„ ์–ธ๊ธ‰ํ•œ ๋ฌธ์„œ

๋” ๋ณด๊ธฐ